اپلائی کرنے کا طریقہ (ہدایات)
- امیدوار بورڈ کی ویب سائٹ سے آن لائن ری چیکنگ فارم پُر کریں اور اسے ڈاؤن لوڈ کر لیں۔
- مطلوبہ فیس بینک میں جمع کروائیں۔ (ری چیکنگ فیس: 1300 روپے فی کاپی، پروسیسنگ فیس: 100 روپے)
- فارم کی ہارڈ کاپی (پرنٹ) مع فیس رسید "انچارج سیکریسی برانچ" کے نام ارسال کریں۔
- بورڈ کی طرف سے جاری کردہ شیڈول کے مطابق آخری تاریخ کے بعد کوئی فارم قابل قبول نہیں ہوگا۔
- فارم جمع ہونے کے بعد، امیدوار کو آٹومیشن سسٹم کے ذریعے ری چیکنگ (کاپی دیکھنے) کی تاریخ دی جائے گی۔
ضروری انتباہ:
طالب علم، فیس جمع کروانے اور اپلائی کرنے سے پہلے یہ جان لیں کہ ری چیکنگ کا مطلب پیپر کی دوبارہ مارکنگ ہرگز نہیں ہے۔ اس عمل میں صرف درج ذیل 6 کام ہوتے ہیں:
- پہلے سے چیک شدہ سوالات کو کسی صورت دوبارہ چیک یا مارک نہیں کیا جاتا۔
- صرف ان سوالات کو چیک کر کے نمبر دیے جاتے ہیں جو غلطی سے چیک ہونے سے رہ گئے ہوں۔
- یہ تسلی کی جاتی ہے کہ کاپی کے اندر والے نمبرز باہر پہلے صفحے (سرورق) پر درست طریقے سے لکھے گئے ہیں یا نہیں۔
- سرورق پر موجود تمام نمبروں کا دوبارہ سے ٹوٹل (Grand Total) کیا جاتا ہے تاکہ گنتی کی غلطی درست ہو سکے۔
- امیدوار کو کاپی دکھائی جاتی ہے تاکہ وہ خود تسلی کر لے کہ یہ اسی کی کاپی ہے اور تبدیل نہیں ہوئی۔
- کاپی دیکھنے کے لیے برانچ میں صرف طالب علم کو اندر جانے کی اجازت ہوتی ہے، والدین یا کسی اور شخص کو نہیں۔
اہم نوٹ: بورڈ قواعد کے تحت مارک شدہ کاپیوں کو کسی بھی صورت میں دوبارہ (Re-Evaluate/ Remark) نہیں کیا جا سکتا۔ اگر کسی وجہ سے جوابی کاپی گم ہو جائے، تو امیدوار کو پیش کش کی جائے گی کہ یا تو وہ ایوارڈ لسٹ (Award List) میں دیے گئے نمبروں کو قبول کر لے، یا پھر اس پورے مضمون کا دوبارہ امتحان دے۔
